Gjatë fjalës së tij në parlamentin izraelit, presidenti amerikan Donald Trump falënderoi publikisht vajzën e tij, Ivanka Trump. Ai tha se ajo e do shumë Izraelin dhe madje është konvertuar në fenë e tyre.
“Dua të falënderoj dikë që e do shumë Izraelin. Vajzën time. Ivanka është këtu. Ajo është konvertuar dhe është shumë e lumtur. Mendoj që është e lumtur,” tha Trump, duke bërë edhe disa batuta për martesën e saj me Jared Kushner.
Ai vlerësoi gjithashtu dhëndrin e tij, Kushner, për punën e tij në marrëveshjen Abrahamike, duke e quajtur “një ndihmës të jashtëzakonshëm”. Trump përmendi edhe senatorin Marco Rubio dhe anëtarët e kabinetit të tij që ishin prezent, dhe foli me krenari për fitoret ushtarake të SHBA-së, duke shtuar në fund një koment me humor për titullin e ministrit të Mbrojtjes, që sipas tij, do të ishte më mirë ta quanin ministër i Luftës.
