Donald Trump foli me fjalë lajkatuese për Rexhep Tajip Erdoganin përpara nënshkrimit të marrëveshjes së paqes në Gaza, duke qenë se Turqia është një nga katër fuqitë garantuese (të tjerat janë SHBA-ja, Egjipti dhe Katari).
“Erdogani ka një nga ushtritë më të fuqishme në botë. Ai është shumë më i fuqishëm nga sa tregon. Ka fituar shumë konflikte, por nuk dëshiron t’i jepen meritat. Ai dëshiron të lihet vetëm”, tha presidenti amerikan për homologun e tij turk.
“Ai është i ashpër, por është miku im dhe gjithmonë aty kur kam nevojë për të. Kur NATO ka probleme me të, më telefonojnë. Flas me Erdoganin dhe ai nuk më zhgënjen kurrë. Është i mrekullueshëm. Faleminderit për miqësinë tuaj”, shtoi ai.
