Armando Broja ka tundur rrjetën e Jordanisë në minutën e 65-të të miqësores së zhvilluar në “Air Albania”, duke i dhuruar avantazhin Shqipërisë.
Sulmuesi kuqezi tregoi klasin e tij pas një asisti të shkëlqyer nga Kristjan Asllani, i cili shërbeu një top të saktë në zonë, që Broja e shndërroi në gol me qetësi.
Pas realizimit, nuk munguan as elozhet mes lojtarëve, teksa Broja u pa t’i thoshte Asllanit “Perfekt!”, gjatë përqafimit të golit.
Ky ishte një rikthim i rëndësishëm për Brojën, që po gjen gradualisht formën e tij më të mirë me fanellën kuqezi.
