Kolegji Zgjedhor i ka dhënë fund ngërçit të afateve për zgjedhjet e pjesshme lokale që pritet të mbahen në 6 bashki të vendit.
Në seancën e sotme, Kolegji Zgjedhor ka pranuar afatet e reja të propozuara nga Komisioni Qendror i Zgjedhjeve, që lidhen me zhvillimin e zgjedhjeve të pjesshme në 9 nëntor.
Përjashtim nga kjo datë bën vetëm Bashkia e Tiranës, deri në momentin që Gjykata Kushtetuese do të marrë një vendim pas ankimimit të Veliajt për shkarkimin e tij dhe për dekretin e Presidentit.
Pra zgjedhjet e pjesshme lokale do të mbahen në datën 9 nëntor 2025 në bashkitë Berat, Tepelenë, Cërrik, Mat dhe Vlorë.
