Deputeti i Partisë Demokratike, Tritan Shehu, ka reaguar ashpër pas rrëzimit nga mazhoranca të rezolutës që kërkonte njohjen e genocidit serb në Kosovë. Në një reagim publik, ai e cilësoi vendimin si “të turpshëm dhe politikisht të papranueshëm”.
Sipas Shehut, rezoluta ishte në përputhje me atë të miratuar më herët nga Kuvendi i Kosovës dhe do të shërbente si bazë për të çuar çështjen në gjykatat ndërkombëtare.
Ai akuzoi qeverinë se po shmang përgjegjësinë institucionale dhe po refuzon të mbajë një qëndrim të qartë në mbështetje të Kosovës dhe viktimave të dhunës serbe.
