Trajneri i Union Saint-Gilloise, David Hubert, ka folur para përballjes së skuadrës së tij me Interin në kuadër të Champions League, duke vlerësuar maksimalisht kundërshtarin italian.
“Ndeshja ndaj Interit do të jetë përballja më e vështirë që kemi pasur ndonjëherë në Evropë. Ata janë finalistë të Ligës së Kampionëve, me një ekip të organizuar dhe në formë të mirë”, u shpreh Hubert.
Ai shtoi se skuadra e tij duhet të japë maksimumin: “Secili prej lojtarëve duhet të japë gjithçka. Detajet do të bëjnë diferencën. Po përqendrohemi te vetja dhe mënyra se si mund ta përballojmë këtë sfidë.”
Hubert pranoi se nuk e njeh mirë trajnerin e Interit, Christian Chivu, por theksoi se ka analizuar ekipin gjatë javës përgatitore.
