Sekretari i Përgjithshëm i Partisë së Lirisë, Ted Blushi, ka reaguar ashpër ndaj arrestimit të Ilir Metës, duke e quajtur atë një “rrëmbim kriminal” dhe një proces të motivuar politikisht.
Sipas tij, ndaj Metës nuk ka asnjë provë penale apo pasuri të paligjshme, ndërsa hetimet janë rezultat i një fushate të orkestruar nga shumica qeverisëse.
Blushi e cilësoi Metën si simbol të qëndresës dhe lirisë, duke theksuar se Partia e Lirisë do të përballet me procesin gjyqësor për të zbuluar të vërtetën.
Ai akuzoi drejtësinë si të kapur nga politika dhe kërkoi transparencë dhe drejtësi për liderin e partisë së tij.
“Një vit nga rrëmbimi kriminal i Ilir Metës, liderit patriot dhe burrit të shtetit me vizion! Sot ai qëndron si simbol i gjallë i Lirisë, Demokracisë dhe Qëndresës ndaj Narkoshtetit. ZERO fakte penale, ZERO pasuri të paligjshme! Liria do të triumfojë!”, deklaroi Blushi.
