Gjykata e Posaçme ka rrëzuar kërkesën e Ilir Metës për ndryshimin e masës së sigurisë dhe lirimin nga paraburgimi.
Avokati i tij, Kujtim Cakrani, deklaroi se janë tejkaluar afatet ligjore dhe se vendimi krijon një precedent të rrezikshëm.
“Sot gjykata zgjodhi të mos dëgjojë argumentet tona, por vetëm prokurorin që foli dy minuta. Jemi në errësirë totale për fatin e këtij procesi,” tha Cakrani, duke theksuar se afati 1-vjeçar i paraburgimit është ezauruar.
