Mirel Çokaj, 40 vjeç, u gjet i pajetë në një humnerë në malet e Kelmendit. Fillimisht policia tha se ishte një aksident, por familjarët dyshojnë për vrasje dhe kërkuan hetim më të thellë.
Sipas tyre, Çokaj ishte duke ruajtur një parcelë kanabisi me ortakë të tjerë dhe mund të ketë pasur mosmarrëveshje që çuan në këtë ngjarje.
Telefoni i tij mungon dhe rruga që ndoqi në kthim ishte e pazakontë.
Prokuroria e Shkodrës ka hapur hetimet dhe po merret me familjarët dhe personat e lidhur me rastin për të zbuluar të vërtetën.
