Ka përfunduar afati për regjistrimin e kandidatëve që do të marrin pjesë në zgjedhjet e pjesshme të 9 nëntorit në pesë bashki të vendit. Sipas KQZ-së, deri në përfundim të afatit kanë dorëzuar dokumentacionin kandidatët në bashkitë Vlorë, Berat, Cërrik, Mat dhe Tepelenë.
Në garë do të jenë:
- Bashkia Vlorë: Dionis Sota (i propozuar nga zgjedhësit) dhe Brunilda Mersini (PS)
- Bashkia Berat: Pavlo Shkarpa (i propozuar nga zgjedhësit) dhe Ervin Ceca (PS)
- Bashkia Cërrik: Florenc Doka (PS), Eligert Hima (“Lëvizja Shqipëria Bëhet”) dhe Amarildo Hoxha (i propozuar nga zgjedhësit)
- Bashkia Mat: Altin Bojni (PS), Eduart Brahilika dhe Suzana Pasha (të propozuar nga zgjedhësit)
- Bashkia Tepelenë: Gramoz Sako (PS) dhe Gabriel Guma (i propozuar nga zgjedhësit)
KQZ pritet të shqyrtojë dokumentacionin dhe të shpallë zyrtarisht listën përfundimtare të kandidatëve në ditët në vijim.
