Kryetari i Partisë Mundësia, Agron Shehaj, vlerësoi në Kuvend punën e kreut të SPAK, Altin Dumani, duke e konsideruar më efektive sesa e gjithë drejtësia shqiptare në tre dekadat e fundit.
“Dumani na qenka fajtori dhe këtu nuk i bëjmë një gjyq. Një pjesë e kuvendit hesht se ia merr urdhrin politik dhe pjesa tjetër mendon se fatkeqësia e këtij vendi është Dumani. Do kishim dashur që kryeministri më i korruptuar që ka pasur Shqipëria të dilte para drejtësisë. Në 3 vitet e fundit Dumani ka bërë më shumë se çfarë drejtësia ka bërë në 35 vitet e fundit,” tha Shehaj.
Ai shtoi se kritikat ndaj prokurorit duhet të jenë të matur dhe se puna e tij ka qenë e dukshme në luftën kundër korrupsionit dhe krimit të organizuar.
