Deputeti i Partisë Demokratike, Eno Bozdo, ka reaguar pas ngjarjeve kriminale të ndodhura sot në Tiranë dhe Berat. Ai e cilësoi situatën si tregues të rënies së shtetit dhe dështimit të qeverisë për të garantuar rendin publik.
“Së fundmi, Shqipëria është tronditur nga tre vrasje brenda pak ditësh, njëra prej tyre në Berat. Kjo nuk është më një rastësi tragjike, por pasqyrë e një shteti që ka humbur kontrollin,” deklaroi Bozdo. Sipas tij, qeveria është e paaftë të parandalojë krimin dhe të mbrojë jetën e qytetarëve, ndërsa dhuna e frika po shndërrohen në përditshmëri për shqiptarët.
