Presidenti i Republikës së Shqipërisë, Bajram Begaj, ka reaguar pas lajmit se Siria ka njohur zyrtarisht pavarësinë dhe sovranitetin e Kosovës.
Ai e konsideron këtë vendim si një hap të rëndësishëm për forcimin e pozitës ndërkombëtare të Kosovës dhe për konsolidimin e paqes në rajon.
“Republika Arabe e Sirisë njohu sot zyrtarisht pavarësinë dhe sovranitetin e Republikës së Kosovës. Me këtë vendim, Siria mbështeti shtetin e Kosovës dhe paqen e stabilitetin në Ballkan. Faleminderit të gjithë atyre që kontribuan në arritjen e këtij momenti historik për shtetin më të ri në Europë. Faleminderit të gjithë atyre që e mundësuan këtë njohje!”
