Njohja e Kosovës nga Siria ka ngjallur reagime të ashpra në Beograd, ku mediat serbe e kanë cilësuar vendimin si “skandal”.
Portali B92 raportoi për takimin në Riad mes përfaqësuesve të Sirisë, Arabisë Saudite dhe Kosovës, gjatë të cilit u arrit marrëveshja për njohjen e pavarësisë.
Presidentja Vjosa Osmani konfirmoi lajmin, duke falënderuar princin saudit Mohammed bin Salman për mbështetjen.
Kryeministri Albin Kurti e cilësoi njohjen si një tjetër arritje të rëndësishme diplomatike për Kosovën, pas atyre nga Kenia dhe Sudani.
