Apeli i Gjykatës së Posaçme Kundër Korrupsionit dhe Krimit të Organizuar la në fuqi masën “arrest me burg” në mungesë për Aleksandër Lahon, i njohur si “Rrumi i Shijakut”.
E njëjta masë sigurie u la në fuqi edhe për vëllain e tij, Vullnet Muharremi dhe të arrestuarin tjetër V.B., të dyshuar për tjetërsimin e tokave në Gjirin e Lalzit.
Para Apelit të GJKKO-së doli edhe Enea Kume, për të cilin po ashtu u la në fuqi masa “arrest me burg”. Ai dyshohet si i përfshirë në rolin e vëzhguesit në vrasjen e Edmir Bregut në vitin 2021 në Durrës, në bashkëpunim me A.A.
Në fillim të tetorit, pas më shumë se dy vite hetime, Prokuroria e Posaçme zbardhi vrasjen e Edmir Bregut.
