Ish-kryebashkiaku i Tiranës, Erion Veliaj, vazhdoi sot mbrojtjen e tij në Gjykatën Kushtetuese, duke kundërshtuar vendimin e qeverisë për shkarkimin nga detyra dhe duke e cilësuar atë si një shembull të përdorimit të një standardi të dyfishtë.
“Kreu i Bashkisë Rrogozhinë, është dënuar me një vit burg dhe është në detyrë, unë jam i padënuar, i pafajshëm dhe nuk lejohem. Do më binte më mirë të bëja një krim e të shkoja në Apel apo të mbroj pafajësinë nga paraburgimi dhe të rrezikoj paraburgimin?
Po aplikohet një standard i dyfishtë”, tha ai.
