Sot Shqipëria i jep lamtumirën e fundit ish-kryeministrit dhe ish-liderit të Partisë Socialiste, Fatos Nano, në një ceremoni shtetërore që po zhvillohet në Pallatin e Kongreseve në Tiranë.
Homazhet publike do të vijojnë deri në 11:00 duke u dhënë mundësinë qytetarëve të nderojnë figurën e një prej politikanëve më të rëndësishëm të tranzicionit shqiptar.
Në ceremoni do të marrin pjesë edhe personalitete politike nga Kosova dhe Maqedonia e Veriut, mes tyre Albin Kurti dhe Ali Ahmeti. Një pjesëtar i familjes së Nanos do të mbajë një fjalim, gjithashtu dhe kryeministri Edi Rama.
Në respekt për kontributin e tij në jetën publike dhe politike të vendi 2 nëntori është shpallur edhe ditë zie kombëtare. Të gjithë flamujt në institucionet shtetërore ulen në gjysmë shtizë dhe në orën 12:00 do të ndalojë çdo aktivitet për të mbajtur një minutë heshtje.
Ish-kryeministri Nano mbylli sytë më 31 tetor, në moshën 73-vjeçare. Ai ndërroi në një spital privat, ku po kurohej prej disa javësh nga një sëmundje në rrugët e frymëmarrjes.
