Në emisionin “5Pyetjet”, gazetari Poli Hoxha komentoi situatën e Belinda Ballukut dhe rolin e Edi Ramës, duke theksuar se kryeministri nuk po respekton vendimet e Kushtetueses dhe standardet e barazisë në politikë.
Sipas Hoxhës, shqetësimi kryesor i Ramës është se Balluku është “e paparashikueshme” dhe mund të përshpejtojë proceset që e përfshijnë. Ai shtoi se, ndryshe nga aksidenti në Greqi ku ministri dha dorëheqje, as Balluku e as Veliaj nuk japin dorëheqje, dhe përgjegjësia duhet të ushtrohet direkt nga Rama.
“Kush është standarti i Edi Ramës? Ai nuk pyet për vendimin e Kushtetueses, as për dy standarte, as për një standard të vetëm. I gjithë halli i tij është se Belinda Balluku është e paparashikueshme, sepse proceset e saj mund të përshpejtohen. Qëndron këtu edhe sepse nuk ka opozitë. Ne folëm për dorëheqjen – nuk ka shumë shembuj, përveç rastit në Greqi ku ministri i Infrastrukturës dha dorëheqje pas një aksidenti. Unë pres një përgjegjësi të tillë edhe këtu, por nuk e bën as Erjon Veliaj, as Balluku. Unë nuk po them që ata duhet të veprojnë vetë, por këtë duhet ta bëjë Rama, duke i kapur në qafe dhe duke i ulur në një cep,” shprehet Hoxha.
