Liverpuli fitoi minimalisht 1-0 në një përballje të zjarrtë ndaj Realit të Madridit. Pjesa e parë u mbyll pa gola, edhe pse rastet dhe tensioni nuk munguan. Në pjesën e dytë, “Anfield” shpërtheu.
Dominik Szoboszlai harkoi saktë nga goditja e dënimit, dhe Alexis Mac Allister mposhti Courtois për golin e vetëm të sfidës.
Bayern Munich vijon marshimin perfekt këtë sezon, duke regjistruar fitoren e 16-të radhazi. Kampionët e Gjermanisë triumfuan 1-2 në “Parc des Princes” ndaj PSG-së, kampiones në fuqi të Europës.
Bayern kryeson grupin me 12 pikë të plota në 4 ndeshje, po aq sa edhe Arsenali, dhe konfirmohet si favoriti kryesor për trofeun e Champions League këtë sezon.
