Tekniku i Interit, Christian Chivu, kërkoi fokus të plotë nga skuadra para sfidës ndaj Kairat Almat në Ligën e Kampionëve, duke theksuar se në këtë kompeticion nuk ka ndeshje të lehta.
“E dimë që kemi një ndeshje të rëndësishme dhe të vështirë përpara nesh. Fitorja në Ligën e Kampionëve nuk është kurrë e garantuar.
Kërkohet seriozitet maksimal dhe përkushtim nga të gjithë – grupi, stafi dhe klubi,” tha Chivu.
Trajneri shtoi se Interi gjithmonë mund të përmirësohet dhe po punon për të ruajtur qëndrueshmëri në rezultatet e tij.
“Kur rrëzohesh, duhet të ngrihesh dhe të reagosh. Po ndërtojmë një grup të bashkuar dhe të përgjegjshëm, duke ruajtur përulësinë e nevojshme për të përballuar këdo ballë për ballë,” përfundoi ai.
