Ndeshja prestigjioze mes kampionëve të Europës, Spanjës, dhe kampionëve të Amerikës së Jugut, Argjentinës, do të luhet më 27 mars në “Lusail Stadium” të Dohas.
Sipas “Marca”, përballja është zhvendosur një ditë më herët nga data fillestare, në kuadër të përpjekjeve të FIFA-s për të krijuar atmosferën e një “finaleje të madhe”.
Nëse Spanja nuk siguron kualifikimin e drejtpërdrejtë në Botërorin 2026, data mund të ndryshojë sërish.
Kjo “Finalissima” pritet të jetë një duel simbolik mes ikonës Lionel Messi dhe talentit të ri të Barcelonës, Lamine Yamal.
