Kryetari i grupit të PD-së, Gazment Bardhi kërkon shkarkimin e Belinda Ballukut nga detyra e zv/ kryeministres dhe ministres pasi është marrë e pandehur dhe po i shmanget Kuvendit.
“Sot të gjithë ministrat, në ushtrim të përgjegjësisë së tyre sipas nenit 80 të Kushtetutës dhe nenit 80, pika 1 të Rregullores së Kuvendit, ishin prezent në mbledhjet e Komisioneve Parlamentare që mbulojnë fushën e tyre të përgjegjësisë.
E vetmja që u fsheh ishte E PANDEHURA nga SPAK Belinda Balluku! E pandehura Balluku nuk mund të sillet sikur asgjë s’ka ndodhur, vetëm për faktin se ajo e di që Edi Rama është peng i korrupsionit të tij dhe nuk mund ta shkarkojë.
PD: Pas Lali Erit radha e Lubisë dhe Ramaduros, në 17 Nëntor te Kryeministria
E pandehura Balluku duhet të largohet menjëherë nga detyra sepse nuk mund të fshihet pafundësisht nga Kuvendi. Ajo nuk mund të fshihet as pas frikës që ka kapur “Palloshin e gjatë”, të cilin e ka marrë peng!
Llogaridhënia është baza e qeverisjes demokratike. Çdo aferë korruptive është taksë e fshehur që i vihet qytetarit shqiptar. Është pengesë për zhvillimin e vendit. Shkon kundër mirëqenies. Është një hap më shumë drejt largimit të të rinjve nga Shqipëria” shkruan ai.
Bardhi: Balluku u mbyll në zyrë, po paracakton se kujt do t’ia japë tenderin e radhës
