Ministri i Mbrojtjes, Pirro Vengu, ka hedhur poshtë pretendimet se kryeministri Edi Rama i ka kërkuar dorëheqjen, duke i cilësuar ato si “delir politik”.
I pyetur nga gazetarët në lidhje me një deklaratë të ish-kryeministrit Sali Berisha, Vengu u shpreh.
“Nuk më shqetësojnë deliret e kësaj natyre. Jam i ambientuar me rrëfime të tilla, që i marr më shumë si kërcënime të zotit Berisha, i cili nuk ka frikë nga ushtrimi i pozitës së drejtuesit të opozitës për të ushtruar trysni nga më të ndryshmet, sidomos ndaj një dikasteri si ky i sigurisë kombëtare, siç është Ministria e Mbrojtjes. Nuk janë të vërteta fare këto gjëra. Deliret e kësaj natyre nuk më shqetësojnë.”
Ministri theksoi se pretendimet e Berishës nuk pasqyrojnë realitetin dhe janë përpjekje për të ushtruar presion politik. Ai shtoi se është i mësuar me akuza të tilla, të cilat i sheh më shumë si trysni ndaj institucioneve shtetërore sesa si kërkesa reale për dorëheqje.
Vengu theksoi gjithashtu rëndësinë e stabilitetit në ministri dhe në institucionet e sigurisë, duke theksuar se deklarata të tilla nuk ndikojnë në funksionimin e punës së tij.
