Këtë mëngjes, kryeministri Edi Rama zgjodhi të ndajë me ndjekësit e tij një kartolinë të veçantë për muajin e nëntorit, krijuar nga vetë nxënësit e gjimnazit “Sami Frashëri” në Tiranë.
Në video, të rinjtë shfaqen duke punuar me pasion në aktivitete shkollore, ndërsa tre prej tyre këndojnë këngën patriotike “Rrjedh në këngë e ligjërime”.
Kartolina dhe pamjet shprehin frymën festive të muajit që përmban Ditën e Pavarësisë dhe Ditën e Çlirimit.
“Mirëmëngjes! Me këtë kartolinë të krijuar nga nxënësit e ‘Sami Frashëri’, ju uroj një ditë të mbarë”, shkruan Rama, duke vlerësuar kreativitetin e të rinjve dhe energjinë e tyre.
