Këtë të enjte në orën 20:45, Kombëtarja shqiptare e futbollit ka mundësinë të shkruajë histori. Nën drejtimin e trajnerit Sylvinho, kuqezinjtë mund të sigurojnë për herë të parë një vend në play-off-in e Kupës së Botës 2026.
Një fitore ndaj Andorrës, e kombinuar me humbjen e Serbisë në Angli, do të vendoste Shqipërinë si e dyta në grup dhe me shansin për të kërkuar biletën për në finale në Amerikën e Veriut.
Për këtë ndeshje, Sylvinho ka vendosur të mos ketë të gatshëm mbrojtësin Klisman Cake dhe mesfushorin Adrion Pajaziti, duke grumbulluar 25 lojtarë, nga të cilët 23 do të jenë të gatshëm për fushë.
Sot të gjithë sytë e shqiptarëve do jenë në Andorra, ku kuqezinjtë do të tentojnë të bëjnë hapin historik drejt Botërorit.
