Sulmuesi i Kosovës, Vedat Muriqi, ka dalë në konferencë për media para ndeshjes vendimtare ndaj Sllovenisë. Ai ka deklaruar se takimi do të jetë më i vështirë se ai i luajtur në Kosovë, pasi Sllovenia synon vetëm fitoren.
Muriqi theksoi rëndësinë e sigurimit të plejofit dhe nuk përjashtoi mundësinë e luftës për vendin e parë: “Normal se duhet me e garantu plejofin nesër, e pastaj varet rezultati me Zvicrën, pse jo mos me luftu për vendin e parë në ‘Fadil Vokrri’ në Prishtinë.”
Sulmuesi shprehu optimizmin e tij për avantazhin që Kosova mund të marrë për të synuar Kupën e Botës: “Shpresoj që kemi me e ndëshku Slloveninë edhe me e pasë avantazhin e duhur për me luftu direkt për në Kupën e Botës.”
