Drejtori i Përgjithshëm i Burgjeve, Klevis Qose deklaroi sot në Komisionin për Çështjet e Brendshme dhe të Mbrojtjes se ish-presidenti Ilir Meta ka zhvilluar të gjitha takimet e autorizuara nga prokurori dhe nuk i është ndaluar komunikimi telefonik.
“Ka 3600 komunikime telefonike. Për këtë rast (bisedës në një studio televizive), institucioni i ekzekutimeve penale në “313” ka shqyrtuar incidentin dhe ka vendosur një masë disiplinore, pasi rregullat e sigurisë nuk lejojnë që të paraburgosurit të dalin në media, të tregojnë publikisht historinë e tyre apo të bëjnë deklarata që mund të përdoren si forma presioni. Meta ka qenë ish-president, por është trajtuar me dinjitet të plotë, sipas ligjeve dhe Konventës Evropiane”, ka deklaruar Qose.
