Zv.kryeministrja Belinda Balluku, e pandehur nga SPAK për aferën e tunelit të Llogarasë, vazhdon aktivitetin normal si ministre e Infrastrukturës.
Sot ajo inspektoi hidrocentralin e Komanit, duke theksuar se strukturat janë në gatishmëri për menaxhimin e situatës pas reshjeve intensive.
Balluku deklaroi se nuk parashikohet hapja e portave të liqeneve dhe se KESH ka punuar që nga 11 nëntori për të liruar volumet e nevojshme.
Sipas saj, liqenet e Komanit, Vaut të Dejës dhe Fierzës kanë ende kapacitet për akumulim, ndërsa agregatet e hidrocentraleve janë në funksion për të menaxhuar prurjet.
