Deputeti socialist Erion Braçe shpjegoi se nga viti i ardhshëm çdo pensionist do të marrë një bonus mujor shtesë, duke treguar me kartëmonedha rritjen e përvitshme gjatë katër viteve të ardhshme.
“Vitit të parë pensioni i plotë i pleqërisë rritet me 1800 lekë. Vitin e dytë rritet me 3600 lekë, vitin e tretë me 5400 lekë, dhe vitin e katërt me 7200 lekë,” tha Braçe.
Ai gjithashtu kërkoi që tre koncesionet në shëndetësi – check-up, hemodializa dhe sterilizimi – të kthehen në shërbime publike, ndërkohë që buxheti i vitit 2026 parashikon ulje të financimeve për këto kontrata: check-up me 699.8 milionë lekë, sterilizimi me 500 milionë lekë dhe dializa me 815 milionë lekë.
