Apeli i Gjykatës së Posaçme Kundër Korrupsionit dhe Krimit të Organizuar (GJKKO) ka vendosur që të caktojë masën e sigurimit “arrest në shtëpi” për Eria Agon, e dyshuar për përkrahje të autorit të vrasjes së Fatbardh Licit në vitin 2018.
Ajo akuzohet nga SPAK se ka pasur dijeni dhe ka ndihmuar në vrasjen e Licit, i cili u ekzekutua në lagjen Kiras, shumë pranë banesës së tij. Agon dyshohet se ka drejtuar një nga automjetet që u përdor gjatë krimit.
Pavarësisht mohimit të akuzave nga Agon, gjykata ka vendosur që ajo të mbahet në masën e “arrestit shtëpiak”, pas arrestimit të saj më 26 shkurt të këtij viti. Aktualisht, ajo ndodhet në burgun e grave në Pogradec.
