Disa ditë më parë i riu shqiptar Elton Zefi i shpëtoi jetën 85 vjeçarit italian i cili kishte rënë me makinën e tij në kanalin Battaglia në Padova të Italisë dhe po rezikonte të mbytej.
Pas kësaj situate me një postim në rrjetin social instagram ka reaguar kryeministrja e Italisë, Giorgia Meloni duke përshëndetur aktin heroik të shqiptarit.
“Elton Zefi, 32 vjeç, nuk hezitoi as për një sekondë kur pa një makinë të zhytej në ujërat e kanalit Battaglia në Padova.
Ai u hodh menjëherë në ujë dhe arriti t’i shpëtonte jetën një biznesmeni 85-vjeçar, i cili rrezikonte të mbytej brenda automjetit të tij.
Jeta e një personi arriti të shpëtohej falë guximit dhe altruizmit të të riut shqiptar”, u shpreh Meloni.
