Kryeministri i Kosovës, Albin Kurti, priti këtë të hënë kongresmenët amerikanë Mike Turner dhe Donald Norcross për të diskutuar forcimin e marrëdhënieve Kosovë–SHBA, me theks në mbrojtjen dhe trajnimin e Forcës së Sigurisë së Kosovës.
Ai përmendi pjesëmarrjen e FSK-së në programe trajnimi në ShBA dhe ushtrimet Defender Europe, si dhe prokurimin e pajisjeve ushtarake amerikane.
Gjithashtu, në fokus të bisedimeve ishte bashkëpunimi ekonomik, sidomos në energji, teknologji dhe projekte infrastrukturore.
Kurti ripërsëriti angazhimin e Kosovës për orientim euro-atlantik dhe synimin për anëtarësim në NATO dhe BE.
