Në prag të festave të 28 dhe 29 Nëntorit, nxënësit e shkollave kanë realizuar punime artistike në simbol të ditëve të flamurit.
Kryeministri Edi Rama ka ndarë disa fotografi nga këto aktivitete, duke theksuar se gjithçka merr jetë falë angazhimit të fëmijëve, përkushtimit të mësuesve dhe mbështetjes së prindërve përmes programit “Art dhe Zeje”.
“Mirëmëngjes dhe me pak çaste nga atmosfera e bukur e festave të Nëntorit në shkollat tona, ku gjithçka merr jetë falë duarve të fëmijëve, përkushtimit të mësuesve dhe mbështetjes së prindërve, ju uroj një javë të mbarë,” shkruan Rama në rrjetet sociale.
