Në Gjykatën Themelore të Prishtinës është lexuar dëshmia e Shaban Murselit, babait të Naim Murselit, lidhur me vrasjen e Liridona Ademajt më 23 nëntor 2023 në fshatin Bërnicë.
Ai deklaroi se nuk ka dijeni apo dyshim për rrethanat e ngjarjes:
“As nuk e di, as nuk e kam ndonjë dyshim se çka ka mundur të ndodhë në këtë rast.”
Gjykata e pyeti gjithashtu nëse djali i tij kishte armë, gjë që ai e mohoi. Për këtë vrasje po gjykohen bashkëshorti i viktimës, Naim Murseli, si dhe Granit Plava dhe Kushtim Kokalla.
