Blogeri Olti Curri ka ndarë një kujtim të veçantë me këngëtarin Shpat Kasapi, pas lajmit të trishtë për ndarjen e tij nga jeta.
“Kishim shumë pa u takuar dhe pak kohë më parë u shfaqe surprizë në tavolinë tek lokali i kushërirës tënde në Tiranë. Nuk foli asnjë sepse ti vetëm tregoje histori dhe qeshnim me lot, mirësia jote mbështillte çdo njeri që takoje si një përqafim. Shpat i mirë, qielli duhej të priste, ti kishe shumë rrugë përpara, ishte e padrejtë. Zoti të pastë kujdes atje lart!” shkruan Curri.
