Qyteti i Pukës u mbush me festë dhe krenari kombëtare, teksa u organizua ceremonia përkujtimore me rastin e 113-vjetorit të Pavarësisë së Shqipërisë.
Qindra qytetarë, përfaqësues të institucioneve dhe personalitete të ndryshme morën pjesë në aktivitetet e organizuara për këtë ditë historike.
Në fjalën e tij përpara të pranishmëve, kryebashkiaku Rrok Dodaj uroi të gjithë qytetarët dhe nderoi me respekt dëshmorët që dhanë jetën për lirinë e vendit.
“Së bashku sot kremtojmë 113 e shpalljes së pavarësisë. Nderoj me respekt të gjithë ata që kanë dhënë jetë për pavarësi, për lirinë e kombit tonë. Këtu jemi për të dhënë mesazhin e paqes, mirësisë për të çuar lart e më lart amanetin dhe gjakun e atyre që kanë kontribuar për kombin tonë. Veçanërisht për Pukën që kjo liri të mos mbetet e përdhosur, por të ndriçojë vendin”, tha kryebashkiaku i Pukës, Rrok Dodaj.
