-sidi education-spot_img
7.5 C
Tirana
-sidi education-spot_img

Gonxhja: Mbi 3,500 pjesëmarrës dhe 607 artistë festuan kulturën shqiptare

Kryesoret

Ministri i Turizmit, Kulturës dhe Sportit, Blendi Gonxhja, ka ndarë pamje nga aktivitetet kulturore dhe artistike që u zhvilluan në Luginën e Preshevës në kuadër të festave të 28 dhe 29 Nëntorit.

Mbi 607 artistë dhe krijues, si dhe më shumë se 3,500 pjesëmarrës, përfshirë nxënës, të rinj dhe dashamirës të artit dhe kulturës shqiptare, u bashkuan për të festuar identitetin dhe trashëgiminë kulturore shqiptare përmes eventeve të organizuara nga Këshilli Kombëtar Shqiptar në Serbi me mbështetjen e Ministrisë së Turizmit, Kulturës dhe Sportit të Shqipërisë.

Postimi i plotë:

Për herë të parë, Këshilli Kombëtar Shqiptar në Serbi, me mbështetjen e Ministrisë së Turizmit, Kulturës dhe Sportit të Shqipërisë dhe nën kujdesin e Ambasadës së Shqipërisë në Beograd, po organizon një seri aktivitetesh kulturore, artistike dhe identitare në Preshevë, Bujanoc, Medvegjë dhe Sanxhak, me rastin e festave të Nëntorit.

Jehoi salla në Bujanoc të Luginës së Preshevës me këngën Besa-Besë, të performuar nga nxënësit e shkollës fillore “Naim Frashëri” bashkë me publikun, në kuadër të manifestimit kulturor të 28 Nëntorit përmes programit kulturore “Nëntor Lugine” të mbështetur nga Ministria e Turizmit, Kulturës dhe Sportit të Shqipërisë.

Mbi 607 artistë e krijues të angazhuar dhe mbi 3,500 pjesëmarrës të pranishëm në evente, publik, të rinj, nxënës, komuniteti i gjerë dhe dashamirës të artit e kulturës shqiptare që u bashkuan për të festuar.

Kjo nismë vjen menjëherë pas nënshkrimit të memorandumit të bashkëpunimit në shtator, si dhe pas vizitave zyrtare të zhvilluara këtë vit në Luginën e Preshevës, të cilat u realizuan nën kujdesin dhe vëmendjen e posaçme të Kryeministrit Rama.

Gjatë këtyre vizitave, u thellua dialogu me komunitetin shqiptar, institucionet lokale, dhe të rinjtë që mbajnë gjallë gjuhën, kulturën dhe identitetin tonë në Luginë.

MTKS dhe institucionet e saj, mbeten plotësisht të përkushtuar të forcojnë bashkëpunimin me Preshevën dhe të gjithë Luginën, duke mbështetur nismat kulturore, panairin e librit, artistët e rinj, aktivitetet komunitare dhe çdo përpjekje që ruan, zhvillon dhe promovon identitetin shqiptar.

/5pyetjet.al

spot_img
spot_img
spot_img
spot_img
spot_img
spot_img
- Advertisement -spot_img

Më tepër

- Advertisement -spot_img

Lajmet e fundit