Mëngjesin e sotëm është gjetur një makinë e djegur në fshatin Mirakë të Librazhdit, e cila dyshohet se u përdor nga autorët e vrasjes së biznesmenit Edmond Hyka (alias Mëhalla), mbrëmjen e djeshme në Elbasan.
Makina tip “Audi”, e shkrumbuar plotësisht, është gjetur në aksin rrugor Elbasan-Librazhd, para kthesave të Murrashit. Dyshohet që në këtë vrasje të jenë përfshirë dy persona.
Biznesmeni rezulton se është qëlluar me 3 plumba, dy në kokë dhe një në gjoks, duke ndërruar jetë brenda makinës së tij tip “Range Rover”.
Mëhalla ishte pronari i një pike karburanti në Elbasan.
