Një incident i rëndë ndodhi mëngjesin e sotëm në aeroportin Heathrow në Londër, në parkimin shumëkatësh të Terminalit 3.
Policia njoftoi se një numër personash u spërkatën me një lloj spraj djegës nga një grup burrash që më pas u larguan nga vendngjarja.
Oficerët e armatosur ndërhynë shpejt dhe arrestuan një person të dyshuar për sulm, i cili ndodhet në paraburgim, ndërsa vijojnë kërkimet për personat e tjerë të përfshirë.
“Ngjarja duket të ketë ndodhur mes personave që njiheshin me njëri-tjetrin, dhe një debat është përshkallëzuar duke shkaktuar plagosjen e disa prej tyre. Oficerët tanë reaguan me shpejtësi. Nuk po e trajtojmë incidentin si akt terrorizmi”, tha shefi i policisë, Peter Stevens.
