Këshilli i Lartë i Prokurorisë (KLP) mblidhet sot në orën 11:00 për të zhvilluar votimin final për emërimin e drejtuesit të ri të Byrosë Kombëtare të Hetimit (BKH).
Komisioni i ngritur nga SPAK ka propozuar Joni Ketën për këtë pozicion, i cili do të drejtojë BKH-në për një mandat 5-vjeçar.
Joni Keta, aktualisht kreu i komanduar i BKH-së, ka mbajtur më parë detyra drejtuese dhe është vlerësuar si kandidati më i përshtatshëm pas shqyrtimit të gjashtë kandidatëve.
Votimi i sotëm do të përmbyllë procesin e përzgjedhjes, duke siguruar udhëheqjen e re të një institucioni kyç për luftën kundër korrupsionit dhe krimit të organizuar.
