Në një periudhë ku kërkesa për shërbime urgjente është gjithnjë e më e lartë, Ministrja e Shëndetësisë dhe Mirëqenies Sociale, prof. Evis Sala, ka inspektuar Qendrën Kombëtare të Urgjencës Mjekësore për të siguruar gatishmërinë e këtij shërbimi gjatë periudhës së ngarkuar të fundvitit.
Gjatë vizitës, ajo ka vlerësuar angazhimin e stafit dhe ka theksuar rëndësinë e teknologjive të monitorimit në kohë reale, të cilat mundësojnë një reagim të shpejtë dhe të unifikuar për çdo urgjencë mjekësore.
“Kapacitetet tona të urgjencës janë në gatishmëri të plotë dhe janë të koordinuara me të gjitha strukturat e sigurisë për t’u përgjigjur menjëherë në çdo situatë. Prioriteti ynë është që çdo thirrje të marrë përgjigje të menjëhershme dhe çdo qytetar të marrë ndihmën e duhur, kudo që ndodhet. Ky është angazhimi ynë për të garantuar një shërbim shëndetësor pa ndërprerje dhe për të siguruar mbarëvajtjen e sezonit festiv”, tha Ministrja Evis Sala.
