Në prag të ndeshjes ndaj Bylisit, drejtori sportiv i Vllaznisë, Vioresin Sinani, ka shprehur besimin se skuadra shkodrane është gati për t’u rikthyer te rezultatet pozitive.
“Atmosfera është e mirë dhe jam i bindur që do rikthehemi te fitorja. Djemtë dhe stafi do japin maksimumin,” u shpreh Sinani në konferencë për shtyp.
Ai theksoi se problemet e fundit lidhen me mungesat nga dëmtimet, ndërsa rikthimi i lojtarëve po e forcon skuadrën.
Sinani kërkoi gjithashtu vlerësim maksimal për Bylisin, duke nënvizuar se nuk ka ndeshje të lehta në kampionat.
Drejtori sportiv mohoi çdo krizë në sulm, duke vlerësuar cilësinë e repartit ofensiv dhe duke shtuar se Vllaznia mbetet pretendente për objektivat e saj këtë sezon.
