Deputeti i Partisë Demokratike, Klevis Balliu, ka akuzuar Kryeministrin Edi Rama se po përdor pushtetin për të mbrojtur Belinda Ballukun, përfshirë në afera korruptive, jo nga besnikëria, por për të mbrojtur veten.
Në një postim në rrjetet sociale, Balliu ka theksuar se Rama është i gatshëm të sulmojë sistemin e drejtësisë dhe të cënojë ndarjen e pushteteve për të mbrojtur një zyrtare të akuzuar për korrupsion.
“Pushteti ka nisur një ofensivë të hapur ndaj sistemit të drejtësisë, duke cenuar ndarjen e pushteteve. Në prapaskenë, Rama përpiqet të neutralizojë politikisht Ballukun, nga frika se ajo mund të zbulojë të vërtetën,” ka shkruar Balliu, duke ftuar shqiptarët të bashkohen në protestën e 22 dhjetorit për të kundërshtuar këtë situatë dhe për të kërkuar llogari nga qeveria.
