Presidenti i Republikës, Bajram Begaj, ka firmosur tre dekrete të rëndësishëm për strukturat e Forcave të Armatosura.
Me Dekretin nr. 477, ai ka liruar nga detyra Komandantin e Forcës Tokësore, Gjeneral Major Ilir Hasan Xhebexhia. Në vend të tij, me Dekretin nr. 478, Presidenti ka emëruar Gjeneral Major Petrit Pal Çuni si Komandant të Forcës Tokësore.
Po ashtu, me Dekretin nr. 479, Begaj ka dhënë gradën madhore “Kundëradmiral” për Kapitenin e Rangut të Parë Arsen Burhan Mullaj, aktualisht Shef i Shtabit të Forcës Detare.
