Fabion Kuçi, i njohur në rrjetet sociale me emrin “Gucci”, ka mbetur i plagosur pas një incidenti të ndodhur mbrëmjen e së hënës në Durrës. Ai mori plagë në parakrah dhe fatmirësisht ndodhet jashtë rrezikut për jetën. Ngjarja ka ndodhur në lagjen nr. 9 të qytetit bregdetar.
Sipas hetimeve të policisë, konflikti që çoi në përdorimin e armës ka lindur nga një debat banal në TikTok, ku janë shkëmbyer komente të ashpra dhe sharje mes përdoruesve. Policia ka identifikuar autorin dhe është duke punuar për kapjen e tij.
Kuçi, një personazh i njohur për përplasjet e tij në rrjetet sociale, ka qenë i skeduar më herët për konflikte të ngjashme virtuale.
