Prokuroria e Shkodrës ka dërguar për gjykim katër persona për mashtrim dhe falsifikim lidhur me një skemë të rreme për dhënien e automjeteve me qira. A.K. dhe O.K. akuzohen për “Mashtrim”, ndërsa M.P. dhe A.K. për “Falsifikim vulash dhe formularësh”.
Hetimet kanë zbuluar se A.K. dhe O.K. kishin krijuar një faqe interneti të rreme, “Autorental Tirana”, ku ofronin automjete për qira dhe merrnin pagesa, por nuk dërgonin mjetet. M.P. dhe A.K. dyshohet se kanë ndihmuar në regjistrimin e numrave të telefonit dhe nënshkrimin e formularëve të falsifikuar.
