Anëtari i Kryesisë së PD-së, Ervin Salianji nga Elbasani ku zhvilloi foltoren e tretë “shigjetoi” sekretarin e përgjithshëm Flamur Noka pas debatit të fundit, duke folur për ‘idiotë të dobishëm dhe humbësa serialë”.
“Protesta kombëtare duhet të jetë një zgjim kombëtar. Mbledhjet tona në PD shndërrohen në gjyqe ndaj demokratëve. Mbledhja e gjyqit e Kryesisë ishte katër orë gjyq për mua dhe për ju dhe 15 minuta për Belinda Ballukun dhe Edi Ramën.
Kjo nuk është rruga e duhur që ka zgjedhur PD. Edi Rama nuk mundet as me armiq imagjinar dhe as përbetime të stërpërsëritura nga disa që në politikë mund të njihen si idiotë të dobishëm që në bilanc kanë vetëm humbjet. Fitorja nuk arrihet me humbësa serialë, humbësat duhet të bëjnë një hap pas” tha ai.
LIVE-‘Foltorja’ në Elbasan, Salianji: Në 22 Dhjetor të përplasemi para Kryeministrisë
