Policia e Beogradit ka vënë në pranga 24 vjeçarin shqiptar me origjinë nga Dibra, Klejvis Metalla banues në Tiranë. 24 vjeçari ka qenë i shpallur në kërkim nga policia shqiptare, pasi akzuhet se ka dhunuar rëndë bashkëjetuesen e tij e cila ishte shtatëzënë.
Njoftimi i policisë
Në vijim të bashkëpunimit ndërmjet specialistëve të Interpol Tiranës dhe specialistëve të Interpol Beogradit, u arrestua provizorisht në Serbi, në vijim të operacionit “The Wanted”, shtetasi shqiptar, Klejvis Metalla, 24 vjeç.
Ai ishte shpallur në kërkim ndërkombëtar, pasi në muajin mars 2025, Gjykata e Dibrës i caktoi masën e sigurisë “Arrest në burg”, për veprën penale “Plagosja e rëndë me dashje”. 24-vjeçari akuzohet se në muajin janar 2025, dhunoi rëndë bashkëjetuesen e tij shtatzënë.
