Ndeshja e “Kategorisë së Parë” mes Korabit dhe Burrelit, e cila ishte planifikuar për sot, nuk u zhvillua për shkak të kushteve të pafavorshme atmosferike dhe pranisë së dendur të mjegullës, që e bënë të pamundur zhvillimin normal të takimit.
Departamenti i Komunikimit në FSHF njoftoi se përballja do të luhet nesër, më 21 dhjetor, në orën 12:00.
Të dyja ekipet do të kërkojnë të japin maksimumin për të kompensuar këtë vonesë.
