Kryeministri Edi Rama ka pasur një reagim të fortë gjatë një takimi me përfaqësues të biznesit, ku theksoi se nuk ka “paqë” me ndërtuesit, duke e cilësuar këtë grup si problematik.
Ai ka kërkuar që ndërtuesit të respektojnë standardet e ndërtimit dhe të mos përdorin lejet për ndërtim për të realizuar projekte që nuk përputhen me kërkesat e qytetarëve dhe të administratës.
“Paqe me ndërtuesit nuk ka, paqe fiskale me të gjithë po. Paqe standarde me ndërtuesit nuk ka. Më keni prapa këmba këmbës mua dhe ca varen nga unë. Pastaj keni ca bashki që mund të bëni lodra, po u kapet nuk ju ka faj njeri. Duhet të ngrini nivelin dhe mos e kërkoni fajin tek pasqyra, por tek fytyra, nuk ka askush asnjë borxh që ndërtuesit të mos i qëndrojnë korrekt atyre që paguajnë. Vjen merr një leje për të bërë një goditje spektakolare dhe bën një kafaz pëllumbash. Si mund të lejohet kjo?”
